MÜHƏNDİS

Təhsilim müddətində elektronika, avtomatlaşdırma, avtomatik sistemlər, keyfiyyətə nəzarət, elektrotexnika, sxemotexnika, radiotexnika və ölçmə çeviriciləri (sensorlar) sahələrində dərin nəzəri biliklər əldə etmiş, laboratoriya və praktiki məşğələlər vasitəsilə bu bilikləri təcrübədə tətbiq etmişəm.
Avtomatik ölçmə cihazlarının iş prinsiplərini öyrənərək müxtəlif sensorların işləmə mexanizmlərini, siqnalların emalını və nəticələrin analitik şəkildə qiymətləndirilməsini bacarıram. Keyfiyyətə nəzarət və sxemotexnika sahəsində qazandığım biliklər vasitəsilə cihazların düzgün işləməsini təhlil etmək, səhvləri aşkar etmək və onların aradan qaldırılmasını təmin etmək imkanına malikəm.
Eyni zamanda, müasir mühəndislik proqram təminatları ilə işləmək bacarığı qazanmışam. MATLAB proqramında siqnalların emalı və modelləşdirilməsi, Multisim vasitəsilə elektron sxemlərin qurulması və test edilməsi, SCADA sistemlərində istehsal və nəzarət proseslərinin izlənməsi, AutoCAD proqramında isə texniki layihələrin çəkilməsi və dizaynı üzrə biliklərim var.
Analitik düşünmə, məsuliyyətli yanaşma, komanda ilə işləmə bacarığı və yeni texnologiyaları tez öyrənmə qabiliyyətim məni bu sahədə peşəkar inkişaf üçün motivasiya edir. Məqsədim, qazandığım nəzəri və praktiki bilikləri mühəndislik sahəsində tətbiq edərək davamlı inkişaf etmək və ixtisasım üzrə uğurlu karyera qurmaqdır.