MEMAR

Mən, memar Məhəmməd Babayev, artıq 2 ilə yaxındır ki, peşəkar memar kimi fəaliyyət göstərirəm. Lakin memarlıq sahəsindəki karyeram hələ tələbəlik dövrümün (2-ci kursdan etibarən) əvvəllərində başlayıb. Azərbaycan Memarlıq və İnşaat Universitetinin məzunu olaraq, bu müddət ərzində həm böyükhəcmli, qlobal və inzibati layihələrdə, həm də daha kiçik miqyaslı memarlıq işlərində müəlliflik etmişəm.

İşlərimdə əsasən Azərbaycan Respublikasının Şəhərsalma və Memarlıq Komitəsinin tələbləri, tikinti məcəlləsi, SNIP, AzNTD və digər normativ sənədlərə uyğun memarlıq-planlaşdırma həllərinin hazırlanması, eskiz layihələrinin işlənməsi və tikinti icazələrinin alınması prosesində olduqca fəal iştirak etmişəm.

Bu günə qədər 200-dən çox layihənin tərtibatı və təhvili ilə məşğul olmuşam. Portfoliom geniş və çoxşaxəlidir. Peşəkar fəaliyyətimlə yanaşı, freelance memarlıq xidməti də göstərirəm. Xidmətlərimə aşağıdakılar daxildir:
• Tikinti icazələrinin alınması (mövcud və layihələndirilən obyektlər üçün – yaşayış və qeyri-yaşayış binaları);
• Memarlıq-planlaşdırma həllərinin hazırlanması;
• Texniki çəkilişlərin (çertyojların) tərtibatı;
• Landşaft memarlığının konsept və layihələndirilməsi;
• Eksteryer və interyer dizaynlarının vizual təqdimatı;
• Sahə ölçmə və nəzarət işlərinin aparılması.

Memarlığa olan dərin marağım və məsuliyyətli yanaşmam hər bir layihədə funksionallıqla estetik balansı qorumağı hədəfləyir. Geniş təcrübəm və biliklərimlə, həm fərdi müştərilər, həm də şirkətlərlə məhsuldar əməkdaşlığa daim açığam.