RƏQƏMSAL MARKETİNQ ŞÖBƏSİNİN MÜDİRİ

Mənim əsas bacarıqlarım rəqəmsal marketinq və reklam sahəsindədir. Google Ads və Meta (Facebook, Instagram) reklam platformaları üzrə kampaniyaların yaradılması, optimallaşdırılması və performans analizi sahəsində təcrübəm var. Reklam mətnlərini və vizualları düzgün hədəfləyərək daha yüksək nəticələr əldə etməyi bacarıram. Eyni zamanda, A/B testləri aparmaq və reklam xərclərini optimallaşdırmaq mövzusunda təcrübəm var.

SEO sahəsində texniki və məzmun yönümlü yanaşmalarla çalışıram – açar söz araşdırmaları aparıram, kontent strategiyası hazırlayıram və axtarış nəticələrində irəliləyişlər əldə edirəm. Kontent marketinqi sahəsində isə bloq yazıları, sosial media postları və e-mail kampaniyalarının məzmunlarını hazırlamaqda rahatlıqla işləyirəm.

Kreativlik mənim üçün çox önəmlidir. Reklam və sosial media üçün kontent ideyalarını hazırlayıram, dizayn proqramlarında (Canva, Photoshop) əsas biliklərim var və zəruri vizualları özüm yarada bilirəm. Sosial media platformalarının (Instagram, Facebook, LinkedIn, TikTok) idarəçiliyində də təcrübəm var – paylaşımlar üçün strategiya hazırlayıram, trendləri izləyirəm və interaktiv kontent yaradıram.

Analitik düşüncə mənim üçün önəmlidir. Reklam kampaniyalarından əldə olunan nəticələri daim təhlil edirəm və onların inkişaf etdirilməsi üçün yeni yanaşmalar hazırlayıram. Google Analytics və digər analitika vasitələrindən istifadə edirəm.

Kommunikasiya bacarıqlarım və komanda işinə uyğunlaşma qabiliyyətim güclüdür. Layihə və tapşırıqları komanda ilə düzgün bölüşdürmək, qarşılıqlı əlaqəni düzgün idarə etmək mənim üçün önəmlidir. Əlavə olaraq, tədbirlərin təşkili və koordinasiyası sahəsində də təcrübəm var.

Ümumilikdə, daim öyrənməyə, özümü inkişaf etdirməyə və yenilikləri sınaqdan keçirməyə açıram. Rəqəmsal marketinq sahəsində daim özümü yeniləmək və daha yaxşı nəticələr əldə etmək mənim üçün vacibdir.